УБТЗ: Нэг хоногт 57 чингэлэг ачаа татан аваад байна

Монголын мэдээ | НИЙГЭМ
192@montsame.mn
2022-01-21 15:25:38

Улаанбаатар /МОНЦАМЭ/. УБТЗ ХНН өчигдөр хилийн тэг цэгээс нийт 57 чингэлэг ачаа барааг татан аваад байна. БНХАУ-ын хилийн Эрээн боомт болон манай улсын Замын-Үүд боомтын хилийн тэг цэгт 48 автомашинаас авсан дээрх чингэлгүүд нь төрөл бүрээс түүвэрлэсэн, өргөн хэрэглээний бараа бүтээгдэхүүн байна. 


Ташрамд мэдээлэхэд Эрээн, Замын-Үүд автозамын боомтын хязгаарлалтыг энэ сарын 11-нээс түр хугацаанд нээн 10 хоног болж байна. Энэ хугацаанд нийт 418 тээврийн хэрэгслээр, 549 чингэлэг, 9857 мянган тонн ачааг нэвтрүүлэв. Боомтын үйл ажиллагаа хэвийн байдалд орж эхэлж байна.




Холбоотой мэдээ