Улаанбаатар
АРХАНГАЙ: Зарим суманд -42-43 градус хүрч хүйтэн хоножээ
ОРОН НУТГИЙН МЭДЭЭ | АРХАНГАЙ
Эрдэнэбулган, 2024 оны хоёрдугаар сарын 19 /МОНЦАМЭ/. Архангай аймгийн нийт нутгаар урд шөнө -32-43 градус хүйтэн хонолоо. Тухайлбал, Эрдэнэбулган, Тариат, Эрдэнэмандал, Төвшрүүлэх, Жаргалант, Хайрхан, Цэцэрлэг, Чулуут суманд -32-38 хүртэл хүйтэрсэн бол Өгийнуур, Өлзийт, Хашаат суманд -42-43 градус хүрч хүйтэн хоножээ.
Ойрын өдрүүдэд хүйтний эрч чангарсан хэвээр байхыг аймгийн УЦУОШТ-өөс мэдээллээ.
2024 оны хоёрдугаар сарын 19-23-ныг хүртэлх 5 хоногийн цаг агаарын урьдчилсан төлвөөр нийт нутгаар цас орохгүй, салхи секундэд 4-9 метр байна.
Нийт нутгаар хүйтний эрч чангарч, Хойд, Урд Тэрх, Суман, Чулуут, Орхон голын хөндийгөөр шөнөдөө -31-36 градус, өдөртөө -25-30 градус бусад нутгаар шөнөдөө -28-33 градус, өдөртөө -20-25 градус хүйтэн байна.
23-наас өдөртөө
хүйтний эрч бага зэрэг суларна.
