Улаанбаатар
СҮХБААТАР: Хүүхдийн паркийн тоглоомыг угсарч байна
ОРОН НУТГИЙН МЭДЭЭ | СҮХБААТАР
Баруун-Урт, 2024 оны
есдүгээр сарын 25 /МОНЦАМЭ/. Монгол Улсын 21 аймгаас хүүхдийн парктай нь тун цөөхөн. Тэгвэл Сүхбаатар аймагт
тун удахгүй хүүхдийн шинэ парк
ашиглалтад орно.
Уртын голын цэцэрлэгт хүрээлэнд барьж буй хүүхдийн паркийн тоглоомыг угсарч байна.
Миний парк гэж нэрлэж байгаа ч долоон
төрлийн тоглоомтой. Алсыг харагч, савлуурт завь, морин тойруулга гэх мэт нийслэл хотын паркт хүүхдүүдийн хамгийн ихээр сонгож тоглодог тоглоомуудыг суурилуулж байна. Мөн хүчин чадлын хувьд ч дутахааргүй. Тухайлбал, алсыг харагч нь 30 метрийн өндөр, арван кабинтай бөгөөд нэг кабинд дөрвөн хүн суух боломжтой.
Тоглоом угсралт болон аюулгүй байдлыг хангах үүднээс суурь талбайг нэмэлтээр хайрган чулуугаар бэхлэх, нийтийн талбайн тохижилтын ажлууд хийж байна. 11 дүгээр сарын 30 гэхэд паркийг хүлээлгэн өгөхөөр тооцжээ.
