Улаанбаатар
“Google Maps”-ын тусламжтайгаар сэжигтнүүдийг баривчилжээ
ДЭЛХИЙН МЭДЭЭ | НИЙГЭМ
МАДРИД, 2024 оны арванхоёрдугаар сарын 20 /CNN/. Автомашины тээшний хэсэгт нэгэн хүн том овортой зүйл ачиж буй агшныг буулгасан “Google Maps”-ын зургийн тусламжтайгаар Испанийн цагдаа нар нэгэн залуу сураггүй болсон хэрэгт холбоотой байж болзошгүй хоёр хүнийг баривчилжээ.
Сураггүй болж,
нас барсан залуугийн хэрэгт
холбогдуулан нэг эрэгтэй, нэг эмэгтэй хоёр хүнийг саатуулсан гэж цагдаа нар мэдээлсэн байна. Өнгөрсөн оны 11 дүгээр сард гар утаснаасаа сэжигтэй зурвасууд илгээснийхээ дараа хохирогч сураггүй болсон гэж түүний хамаатан болох нэг хүн мэдүүлжээ. Тэд өмнө нь байнга ярьдаг байсан боловч залуу гэнэтхэн шинэ
хамтрагчтай учирснаа, өөр газар руу
нүүж, утсаа ашиглахаа больж байгаа тухайгаа мессежээр бичиж үлдээсэн байна.
Хэргийг мөрдөн шалгах явцад цагдаа нар дээр дурдсан “Google Maps”-ын зургийг олж илрүүлсэн бөгөөд гэмт хэрэгт ашигласан тээврийн хэрэгслийг мөн байна гэж үзжээ. “Google Maps” дээр одоог хүртэл харагдаж буй уг зургийг 10 дугаар сард Испанийн хойд хэсэгт орших Сориа мужийн Тажуэко хэмээх жижиг тосгоны гудамжинд авчээ. Зурагт нэгэн хүн цайвар өнгийн даавуунд ороосон овортой зүйлийг улаан өнгийн машины тэвшинд хийхээр бөхийж буйг харуулсан байна.
“Google Maps” тосгоны зургийг шинэчлэхээр 2009 оны 11 дүгээр сараас хойш анх удаа зураг авсан нь энэ байжээ. 11 дүгээр сарын 12-нд цагдаа нар сураггүй болсон залуугийн найз охин, мөн тэр эмэгтэйтэй урьд нь үерхэж байсан өөр нэг эрэгтэйг хохирогч залуу сураггүй болсон хэрэгт оролцсон хэмээн баривчилжээ. Цагдаа нар мөн 12 дугаар сарын 11-нд ойролцоох тосгоны оршуулгын газраас хохирогчийнх байж магадгүй цогцсыг олжээ. Мөрдөн шалгах ажиллагаа үргэлжилж байна.
