Улаанбаатар
Тайсон Фьюри зодог тайлжээ
ДЭЛХИЙН МЭДЭЭ | СПОРТ
МОСКВА, 2025 оны нэгдүгээр сарын 14 /РИА Новости/. Их Британийн боксчин Тайсон Фьюри 36 насандаа тамирчны замналаа дуусгаж байгаа тухайгаа Инстаграм сүлжээнд байрлуулсан богино хэмжээний дүрс бичлэгээр мэдэгджээ.
Тэрбээр Украины боксчин Александр
Усикт ялагдсаныхаа дараа ийм шийдвэр гаргасан байна. Өнгөрсөн оны 12 дугаар
сард Саудын Арабын нийслэл Эр-Рияд хотод болсон тулаанд Усик шүүгчдийн санал
нэгтэй шийдвэрээр Фьюриг ялснаар хүнд жинд Дэлхийн боксын холбоо /WBA/, Олон
улсын боксын байгууллага /IBО/, Дэлхийн боксын байгууллага /WBO/, Дэлхийн боксын
зөвлөлийн /WBC/ аварга цолнуудаа хадгалж үлдсэн юм. Мөн 5 дугаар сард болсон
тулаанд Усик ялсан байна.
Тайсон Фьюри 2008 онд мэргэжлийн тамирчны замналаа эхэлсэн бөгөөд WBA (2015-2016), WBO (2015-2016), IBO (2015-2016), IBF (2015), WBC-ийн (2020-2024) аварга цолыг хүртэж байв. Өмнө нь тэрбээр спортын замналаа дуусгах гэж байгаа тухайгаа хэдэнтээ мэдэгдэж байсан боловч рингэнд буцаж ирсэн байна. 2017 онд Фьюригээс сэргээшийн шинжилгээ авахад кокаины метаболит гэдэг бодис илэрснээр хоёр жилээр эрхээ хасуулж байжээ.
Тэрбээр боксны замналдаа 34 удаа ялалт
байгуулж, 2 ялагдаж, 1 удаа тэнцсэн байна.
