"Реал Мадрид" Испанийн цомын финалд шалгарлаа
ДЭЛХИЙН МЭДЭЭ | СПОРТ
МАДРИД, 2025 оны дөрөвдүгээр сарын 2. /ТАСС/. Испанийн цомын тэмцээний хагас шигшээгийн хариу тоглолтод “Реал Мадрид”-ын хөлбөмбөгчид өөрийн талбайд “Реал Сосьедад” багтай нэмэлт цагт 4:4 харьцаагаар тэнцсэнээр финалд шалгарлаа. Тоглолт өчигдөр "Сантьяго Бернабеу" цэнгэлдэх хүрээлэнд болов.
“Реал”-аас Эндрик (30 дахь минут), Жуд
Беллингем (82), Орельен Тчуамени (86), Антонио Рюдигер (115) нар, "Реал
Сосьедад" багаас Андер Барренечеа (16), Микель Оярсабаль (80 ба 90+3) нар гоол оруулсан бол 72 дахь минутанд “Реал”-ын хамгаалагч Давид Алаба авто гоол оруулжээ.
Эхний тоглолтод “Реал Мадрид” 1:0
харьцаагаар өрсөлдөгчөө хожсон байна.
Өнөөдөр Мадридад болох хоёрдахь хагас
шигшээ тоглолтод "Атлетико", "Барселона" багууд өрсөлдөх
бөгөөд эхний тоглолт “Барселона”-гийн талбайд болж, 4:4-өөр тэнцжээ.
Өнгөрсөн улиралд Испанийн цомын финалд
“Атлетико” баг “Мальорка”-г хожиж цомын эзнээр шалгарсан байна. Харин “Реал Мадрид”-ын
хөлбөмбөгчид уг цомыг 20 удаа, "Реал Сосьедад" багийнхан 2 удаа тус
тус өргөжээ. Одоогоор цомыг 31 удаа хүртсэн “Барселона” баг дээд амжилт
тогтоогоод байна.