Улаанбаатар
Н.Йокич NBA-гийн дээд амжилт тогтоожээ
ДЭЛХИЙН МЭДЭЭ | СПОРТ
ВАШИНГТОН, 2025 оны дөрөвдүгээр сарын 2. /ТАСС/. Үндэсний сагсан бөмбөгийн холбооны “Денвер Наггетс” багийн төвийн тоглогч, Сербийн сагсан бөмбөгчин Никола Йокич нэг тоглолтод трипл-дабл хийж авсан оноогоор тус лигийн дээд амжилтыг тогтоолоо.
Трипл-дабл гэдэг нь тухайн тоглогч
гурван үзүүлэлтээр хоёр оронтой тоогоор хэмжигдэх оноо /10+/ авсныг хэлдэг.
Денверчүүд талбайдаа “Миннесота
Тимбервүүлвз” багтай хийсэн тоглолтод /139:140 нэмэлт цаг/ Йокич нийт 61 оноо
авахдаа 11 удаа самбараас бөмбөг авч, 10 оновчтой дамжуулалт хийсэн байна. Трипл-даблын
NBA-гийн өмнөх рекордыг Словенийн Лука Донич, Америкийн Жеймс Харден 60 оноо
авснаар тогтоосон юм.
Өмнө нь 2024 оны 12 дугаар сарын
8-нд “Вашингтон” багтай талбайд нь хийсэн тоглолтод /113:122/ өдгөө 30 настай Йокич 56 оноо авч
хувийн дээд амжилт тогтоож байжээ.
Одоогийн байдлаар “Денвер” баг 47
хожил, 29 хожигдолтойгоор Баруун конференцийн тэмцээний хүснэгтийн 3 дугаарт, “Миннесота”
баг 44 хожил, 32 хожигдолтойгоор 7 дугаарт тус тус бичигдэж байна.
