Улаанбаатар
Реалист зураач Х.Баяр “Амьд” уран зургийн үзэсгэлэнгээ нээв
МОНГОЛЫН МЭДЭЭ | СОЁЛ УРЛАГМУЭ-ийн Үзэсгэлэнгийн танхимд энэ сарын 6-нд Монголын реалист зураач Х.Баярын “Монголын үнэртэй салхи” үзэсгэлэн нээлтээ хийв.
Энэ нь зураачийн анхны бие даасан үзэсгэлэн бөгөөд нийт 30 гаруй бүтээлээ тавьжээ.
Х.Баяр үзэсгэлэнгээ хапперреалист хэмээн нэрлэж байгаа юм. Энэ нь бодит ахуйн дүрслэл буюу реалист урлагийг шинэ түвшинд илүү амьдчилан үзүүлснээрээ онцлог бөгөөд “амьд уран зураг” гэх шинэ төрлийн эхлэл болж байна. Реалистууд аливаа зүйлийг бодит ахуйд оршин буй хэвээр нь дүрслэхийг чухалчилдаг бол зураач Х.Баярын бүтээлүүд өнгөний хувьд хийсвэрлэлийг нэмж өгчээ. Тухайлбал “Зураач” хэмээх бүтээлдээ тэрээр өөрийн хөргийг реалист хэв шинжээр илэрхийлсэн атлаа хэрээг тагтаа болгон хувиргаж буй зураачийн уран бүтээлч сэтгэлгээг зурж буй зурган дээрээ дүрсэлсэн нь ихээхэн сонирхолтой. Үзэсгэлэн долоо хоног үргэлжилнэ.
Х.Баярын “Суварган цэнхэр уулс”, “Орхоны хүрхрээ”, “Занабазар Төвхөн”, “Чойном” зэрэг бүтээлээс монгол хүний сэтгэлгээ, монгол зургийн онцлогийг тодхон харна.
Р.Хишигжаргал
