Улаанбаатар
Зөвлөлдөх санал асуулгын хоёр дахь шатны хэлэлцүүлэг болно
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Зөвлөлдөх санал асуулгын судалгааны эхний шатанд хамрагдсан 750 иргэнийг хамруулсан хэлэлцүүлэг мэтгэлцээн энэ сарын 29-30-нд Төрийн ордны Их танхимд болно.
Манай улс Зөвлөлдөх санал асуулгын тухай хуулиа баталсан. Уг хуулийн хүрээнд Үндсэн хуулинд оруулах нэмэлт өөрчлөлтийг хийхээр тогтоод буй. Өөрөөр хэлбэл, эхний ээлжинд Үндэсний статистикийн хорооноос олон улсын аргачлалын үндсэн дээр боловсруулсан санамсаргүй түүврийн аргаар Монгол Улсын нийт өрхөөс 1570 өрхийг сонгон авч, тэдгээр айл өрхөөс нэг хүнийг анхдугаар зөвлөлдөх санал асуулгын судалгаанд хамруулсан. Энэ хүү судалгааны ажил энэ сарын 12-ны өдрөөс эхлэн орон даяар эхлээд үргэлжилж байна. Харин хоёр дахь шатны ажил нь дээрх хэлэлцүүлэг мэтгэлцээн юм.
Хэлэлцүүлэгт хамрагдсан иргэдэд “Монгол Улсын Үндсэн хуульд нэмэлт, өөрчлөлт оруулах асуудлаар анхдугаар санал асуулга явуулах тухай” УИХ-ын тогтоолын хавсралтад заасан үндсэн зургаан сэдвийн хүрээний 13 асуудлаар мэдээлэл өгч, мэтгэлцээн өрнүүлэн тодорхой мэдээлэл өгнө. Үүний дараа санал асуулгыг явуулах аж.
Одоогийн байдлаар Үндсэн хуульд нэмэлт, өөрчлөлт оруулах асуудлаар анхдугаар зөвлөлдөх санал асуулга зохион байгуулах Зөвлөлдөх зөвлөлийг найман гишүүний бүрэлдэхүүнтэй байгуулсан. Уг зөвлөл нь анхдугаар зөвлөлдөх санал асуулгын дүнг нэгтгэн зөвлөмж гаргаж, УИХ-ын Төрийн байгуулалтын байнгын хороонд ирүүлэх үүрэгтэй ажиллаж байна.
Манай улс Зөвлөлдөх санал асуулгын тухай хуулиа баталсан. Уг хуулийн хүрээнд Үндсэн хуулинд оруулах нэмэлт өөрчлөлтийг хийхээр тогтоод буй. Өөрөөр хэлбэл, эхний ээлжинд Үндэсний статистикийн хорооноос олон улсын аргачлалын үндсэн дээр боловсруулсан санамсаргүй түүврийн аргаар Монгол Улсын нийт өрхөөс 1570 өрхийг сонгон авч, тэдгээр айл өрхөөс нэг хүнийг анхдугаар зөвлөлдөх санал асуулгын судалгаанд хамруулсан. Энэ хүү судалгааны ажил энэ сарын 12-ны өдрөөс эхлэн орон даяар эхлээд үргэлжилж байна. Харин хоёр дахь шатны ажил нь дээрх хэлэлцүүлэг мэтгэлцээн юм.
Хэлэлцүүлэгт хамрагдсан иргэдэд “Монгол Улсын Үндсэн хуульд нэмэлт, өөрчлөлт оруулах асуудлаар анхдугаар санал асуулга явуулах тухай” УИХ-ын тогтоолын хавсралтад заасан үндсэн зургаан сэдвийн хүрээний 13 асуудлаар мэдээлэл өгч, мэтгэлцээн өрнүүлэн тодорхой мэдээлэл өгнө. Үүний дараа санал асуулгыг явуулах аж.
Одоогийн байдлаар Үндсэн хуульд нэмэлт, өөрчлөлт оруулах асуудлаар анхдугаар зөвлөлдөх санал асуулга зохион байгуулах Зөвлөлдөх зөвлөлийг найман гишүүний бүрэлдэхүүнтэй байгуулсан. Уг зөвлөл нь анхдугаар зөвлөлдөх санал асуулгын дүнг нэгтгэн зөвлөмж гаргаж, УИХ-ын Төрийн байгуулалтын байнгын хороонд ирүүлэх үүрэгтэй ажиллаж байна.
Б.Туул
