Улаанбаатар
“Ёс төрт гэр бүлийг цогцлоох нь” төслийг баталлаа
ОРОН НУТГИЙН МЭДЭЭ | СЭЛЭНГЭСэлэнгэ аймгийн иргэдийн Төлөөлөгчдийн Хурлын Тэргүүлэгчдийн ээлжит хуралдаан болж, “Ёс төрт гэр бүлийг цогцлоох нь” сэдэвт олон нийтийн хэлэлцүүлгээс гарсан зөвлөмж уриалгын төслийг хэлэлцэн баталлаа.
Сэлэнгэ аймгийн иргэдийн Төлөөлөгчдийн хурлаас санаачлан хурлын дэргэдэх "Ахмад зөвлөхүүдийн баг", "Хүүхэд гэр бүлийн хөгжлийн хэлтэс", аймгийн Залуучуудын холбоотой хамтран "Ёс төрт гэр бүлийг цогцлоох нь" сэдэвт олон нийтийн хэлэлцүүлгийг өнгөрсөн хавар зохион байгуулсан юм. Энэхүү хэлэлцүүлгээс гарсан уриалга, зөвлөмжийг Тэргүүлэгчдийн хуралдаанаараа хэлэлцүүлэн Тогтоол гарган баталгаажууллаа. Энэ цаг үед залуучууд бор зүрхээрээ амьдралд хөл тавьж, олон хос орох орон байр, өөрийн гэсэн өмч, эд хогшилгүй хадмын хаяа, айлын хажуу өрөөнд гэр бүл болж байна. Иймээс төр засгийн байгууллагууд залуу хосын гэрлэлтийг ёс төртэй, хүндэтгэлтэй бүртгэн баталгаажуулж байх нь тэдэнд урам, ухаарал өгч хариуцлага, урамсар суулгах ач холбогдолтой юм. Энэ утгаар хүүгээ гэрлүүлж, охиноо хадамд гаргаж байгаа эцэг, эхчүүд сүй тавих, бэр гуйх, гэр орныг бэлтгэх, хурим найр хийх, өмч тасалж бэлтгэж өгөх зэрэг уламжлалт сайхан ёс заншил нь залуу хосын болон худ ургийнхны харилцан ойлголцол, гүн итгэлцлийг бий болгож, хоёр талдаа болон олон түмэнд хүлээн зөвшөөрөгдсөн, ёс журамтай, бат бэх гэр бүлийг цогцлоох үндэс суурь нь болно хэмээн үзжээ.
Сэлэнгэ аймгийн хэмжээнд 2014 оны байдлаар 573 хос шинээр гэр бүл болж, гэрлэлтээ батлуулан бүртгүүлж, 44 гэр бүл гэрлэлтээ цуцлуулсан байна.
Сэлэнгэ аймаг.Ч.Отгонцэцэг
