Улаанбаатар
Аймгийн МСҮТ магистрын сургалттай болов
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Аймгийн Мэргэжил сургалт үйлдвэрлэлийн төв /МСҮТ/ магистрын сургалт явуулж эхэллээ. Тодруулбал МСҮТ, ШУТИС хооронд байгуулсан гэрээний дагуу гурван төрлийн мэргэжлээр нэг жилийн хугацаатай магистрын боловсрол олгож байгаа юм байна.
Иргэд, залуучууд орон нутагтаа боловсрол эзэмших, боловсролын түвшингээ дээшлүүлэх боломжийг бүрдүүлэх ажлыг шат дараатайгаар зохион байгуулах талаар аймгийн засаг даргын үйл ажиллагааны хөтөлбөрт тусгагдсан байдаг. Үүний дагуу МСҮТ нь анх удаа орон нутагтаа магистрын сургалтыг явуулж эхэлсэн нь энэ юм. Эхний ээлжинд Төрийн захиргаа удирдлагын менежмент, Санхүүгийн менежмент, Үйлдвэрлэлийн менежмент гэсэн гурван ангид элсэлт авчээ. Одоогоор тус ангиудад нийт 43 оюутан суралцаж байна. Тэдний хувьд нийт 34 цагийн кредит судлах бөгөөд танхимын болон онлайн хэлбэрээр сургалтаа авч байгаа аж.
“Анх удаа эхлүүлсэн ажил маань маш үр дүнтэй болсон. Магистрын ангид элсэгчид маш сэтгэл хангалуун байгаа. Учир нь залуучууд маань ажил, ар гэртээ уягдаад өөр тийш явж боловсролоо дээшлүүлэх боломж үнэндээ хомс байдаг. Харин аймагтаа энэ сургалтыг нэвтрүүлсэнээр тэд цаг зав, хөрөнгө мөнгөө гээд маш их зүйлийг хэмнэж байна. Хичээлийг дандаа мэргэжлийн, зэрэгтэй багш нар зааж байгаа. Бид эхний ээлжинд гурван ангид элсэлт авсан. Ер нь хүмүүс маш их асууж, судалж байна. Ирэх жилээс судалж байгаад анги, элсэгчдийн тоогоо нэмэх төлөвлөгөөтэй байгаа...” гэдгийг МСҮТ-ийн захирал Д. Гантулга хэлэв.
Иргэд, залуучууд орон нутагтаа боловсрол эзэмших, боловсролын түвшингээ дээшлүүлэх боломжийг бүрдүүлэх ажлыг шат дараатайгаар зохион байгуулах талаар аймгийн засаг даргын үйл ажиллагааны хөтөлбөрт тусгагдсан байдаг. Үүний дагуу МСҮТ нь анх удаа орон нутагтаа магистрын сургалтыг явуулж эхэлсэн нь энэ юм. Эхний ээлжинд Төрийн захиргаа удирдлагын менежмент, Санхүүгийн менежмент, Үйлдвэрлэлийн менежмент гэсэн гурван ангид элсэлт авчээ. Одоогоор тус ангиудад нийт 43 оюутан суралцаж байна. Тэдний хувьд нийт 34 цагийн кредит судлах бөгөөд танхимын болон онлайн хэлбэрээр сургалтаа авч байгаа аж.
“Анх удаа эхлүүлсэн ажил маань маш үр дүнтэй болсон. Магистрын ангид элсэгчид маш сэтгэл хангалуун байгаа. Учир нь залуучууд маань ажил, ар гэртээ уягдаад өөр тийш явж боловсролоо дээшлүүлэх боломж үнэндээ хомс байдаг. Харин аймагтаа энэ сургалтыг нэвтрүүлсэнээр тэд цаг зав, хөрөнгө мөнгөө гээд маш их зүйлийг хэмнэж байна. Хичээлийг дандаа мэргэжлийн, зэрэгтэй багш нар зааж байгаа. Бид эхний ээлжинд гурван ангид элсэлт авсан. Ер нь хүмүүс маш их асууж, судалж байна. Ирэх жилээс судалж байгаад анги, элсэгчдийн тоогоо нэмэх төлөвлөгөөтэй байгаа...” гэдгийг МСҮТ-ийн захирал Д. Гантулга хэлэв.
Т. Одончимэг
