Улаанбаатар /МОНЦАМЭ/.Авлигын эсрэг хуулийн 14 дүгээр зүйлийн 14.3 дахь хэсэгт заасан үндэслэлийн дагуу хуулийн үйлчлэлд хамрах албан тушаалтны хөрөнгө, орлогын мэдүүлэг нь АТГ-ын цахим мэдээллийн сүлжээнд байрших бөгөөд мөн хуулийн 14 дүгээр зүйлийн 14.4-т заасны дагуу цахим мэдээллийн сүлжээгээр дамжуулан мэдээлэл өгөх журмыг АТГ-тай тэмцэх газар батлах хуулийн зохицуулалттай. Өнөөдөр энэ мэдээллийг олон нийтэд ил болгон зарлаж байна.
Дээрх хуулийг баримтлан тус газрын даргын 2012 оны 10 дугаар сарын 11-ний өдрийн 196 дугаар тушаалаар “Албан тушаалтны хувийн ашиг сонирхлын мэдүүлэг болон хөрөнгө орлогын мэдүүлгийн талаар мэдээлэх, мэдээлэл өгөх журам”-ыг баталсан. Иймд дээрх хууль, журмыг үндэслэн Авлигын эсрэг хуулийн 14 дүгээр зүйлийн 14.1 дэх хэсэгт заасан нийт 236 албан тушаалтны 2017 оны хөрөнгө, орлогын мэдүүлгийн хураангуйг Авлигатай тэмцэх газрын xacxom.iaac.mn цахим мэдээллийн сүлжээнд байршуулаад байна. Эндээс дэлгэрэнгүй мэдээллийг үзэхийг тус газраас мэдээллээ.

Ж.Батсайхан