Монголын уран нугараачид хүрэл цомын эзэн болов
МОНГОЛЫН МЭДЭЭ | СОЁЛ УРЛАГ![](/files/669dd09111b0e.jpeg)
Улаанбаатар, 2024 оны долоодугаар сарын 22 /МОНЦАМЭ/. ОХУ-ын Москва хотноо уламжлал болгон зохион байгуулдаг “ИДОЛ 2024” олон улсын циркчдийн тэмцээн өчигдөр өндөрлөжээ.
Энэ сарын 19-нд эхэлж, гурван өдөр үргэлжилсэн тус тэмцээнд 17 орны 200 гаруй жүжигчин оролцсон байна. Жилээс жилд өргөжиж, оролцогчдын чансаа, үзүүлбэр сайжирч буй энэхүү тэмцээнд манай улсаас “Икс Роузис” уран нугаралтын компанийн жүжигчид оролцож, хүрэл цом хүртжээ.
Монголын уран нугараачид дэлхийд өндөрт чансаатай бөгөөд оролцсон тэмцээн бүрээсээ медаль, цом хүртдэг уламжлалтай. Тэгвэл тэднийг уг буухиад энэ удаа Москвагийн алтан манежнаа “Икс Роузис” компанийн нугараачид үргэлжлүүлсэн байна.