Ulaanbaatar
Ирэх сарын 15-наас өндөр настнууд тэтгэвэр авах банкаа сонгоно
МОНГОЛЫН МЭДЭЭ | НИЙГЭМ
Эрүүл мэнд, нийгмийн даатгалын ерөнхий газар (ЭМНДЕГ)-аас өндөр настнуудыг тэтгэвэр авах банкаа өөрөө сонгох боломжийг бүрдүүлжээ.
ХНХ-ын сайд энэ сарын 07-нд нийгмийн даатгалын сангаас болон цэргийн тэтгэвэр авагч тэтгэвэр авах банкаа сонгодог болох тушаал гаргасан. Үүнтэй холбоотойгоор ЭМНДЕГ “Тэтгэвэр авагч тэтгэвэр авах банкаа сонгох, өөрчлөхтэй холбоотой үйлчилгээ үзүүлэх журам”-ыг батласан байна. Журмын дагуу иргэд ирэх сарын 15-наас харьяаллынхаа Эрүүл мэнд, нийгмийн даатгалын хэлтэстээ хандаж үйлчлүүлж буй банкаа солих хүсэлтээ гаргах юм. Ингэснээр тус банкуудад хэт их ачаалал буурч, өрсөлдөөн, үйлчилгээ сайжирна хэмээн үзэж байгаа аж.
Ч.Ариунболд
