Ulaanbaatar
"Brexit" нь АНУ-тай худалдааны хэлэлцээр байгуулахад саад учруулахгүй гэж мэдэгджээ
ДЭЛХИЙН МЭДЭЭ | ЭДИЙН ЗАСАГ
ЛОНДОН. /ТАСС/. Европын Холбооны /ЕХ/ дээд хэмжээний уулзалтын үеэр баталсан “Brexit”-н тухай гэрээний нөхцөлүүд нь АНУ-тай худалдааны шинэ
хэлэлцээр байгуулахад бидэнд саад учруулахгүй гэж Их Британийн Ерөнхий сайд Тереза
Мэйн албан ёсны төлөөлөгч мэдэгджээ.
“ЕХ-той зөвшилцсөн улс төрийн тунхаглалд бид худалдааны бие даасан бодлого
явуулах боломжтой болохыг маш тодорхой дурдсан байгаа учир Их Британи улс
дэлхийн бусад оронтой тэр дундаа АНУ-тай худалдааны хэлэлцээр байгуулж болно”
хэмээн тус мэдэгдэлд дурдсан байна.
Их Британийн эрх баригчдын ЕХ-той байгуулсан гэрээ нь цаашид АНУ, Их
Британийн худалдаанд саад учруулж болзошгүй хэмээн АНУ-ын Ерөнхийлөгч Дональд
Трамп сэтгүүлчдэд хэлсний дараа Т.Мэйн төлөөлөгч ийнхүү мэдэгдсэн байна.
