Ulaanbaatar
Цэргийн нисэх онгоцны хоёрдугаар нисэгчийн үүргийг хиймэл оюун ухаан гүйцэтгэжээ
ДЭЛХИЙН МЭДЭЭ | ТЕХНОЛОГИ
ВАШИНГТОН. /TASS/. Америкийн цэргийн нисэх онгоцны хоёрдугаар нисэгчийн үүргийг анх удаа хиймэл оюун ухаан гүйцэтгэсэн тухай тус улсын Агаарын цэргийн хүчин /АЦХ/ мэдээлжээ.
Хиймэл оюун ухаан “U-2 Dragon Lady” тагнуулын нисэх онгоцны туршилтын нислэгийн үеэр хоёрдугаар нисэгчийг орлож чадсаныг мэдээлэлд онцолжээ. Мягмар гарагт хийсэн энэ нислэгийг АЦХ-ийхэн "дижитал эрин үед үндэсний батлан хамгаалахын салбарт хийсэн асар том үсрэлт", “чухал үйл явдал” хэмээн нэрлэж байна.
“ARTUµ” хэмээх хиймэл оюун ухааны алгоритмыг АЦХ-ий эрдэмтэд боловсруулжээ. Хиймэл оюун ухааны системийг "нислэгийн явцад хоёрдугаар нисэгчийн гүйцэтгэдэг тодорхой даалгавруудыг гүйцэтгэхэд сургасан байна". Туршилтын нислэгийн үеэр “ARTUµ” нь "илрүүлэх болон тактикийн навигацийн системийг ашиглах үүргийг гүйцэтгэжээ.
