Ulaanbaatar
Монголын боксчид мөнгө, хүрэл медальтай эх орондоо ирнэ
МОНГОЛЫН МЭДЭЭ | СПОРТ
Улаанбаатар, 2025 оны есдүгээр сарын 15 /МОНЦАМЭ/. Английн Ливерпүүл хотод сонирхогчдын боксын дэлхийн аварга шалгаруулах тэмцээн болж өндөрлөлөө.
Манай улсаас эрэгтэй, эмэгтэй тус бүр таван боксчин рингэнд гарч хоёр медаль хүртсэнээр нийлбэр дүнгээр 12 дугаар байр эзэлж, ДАШТ-ээ дуусгаж байна. Тодруулбал, эрэгтэйчүүдийн 50 кг-ын жинд үндэсний шигшээ баг, “Алдар” спорт хорооны тамирчин, олон улсын хэмжээний мастер А.Баттулга мөнгөн медалиар энгэрээ мялаалаа. Тэрбээр Япон, Испани, Солонгосын тамирчныг ялж финалдсан ч Казахстанд ялагдсан юм. Ингэснээр түүний хувьд Монголын эрэгтэй боксчидын зургаа дахь мөнгөн медалийг эх орондоо авчирч байна.
Тэгвэл эмэгтэйчүүдийн 48 кг-д ДАШТ-ий мөнгөн медальт, олон улсын хэмжээний мастер Л.Алтанцэцэг Турк, Японы тамирчдыг ялж, Энэтхэгт ялагдсанаар хүрэл медалиар энгэрээ мялаалаа. Түүний хувьд ДАШТ-ий хошой медальтай анхны монгол эмэгтэй боксчин болж байна.
Үүнээс гадна Монголын гурван тамирчин хүрэл медалийн төлөө тулалдсан юм.
