Ulaanbaatar
Умард Солонгосоос нүүрс импортлохыг НҮБ-ын Аюулгүйн Зөвлөл бүрэн хориглов
ДЭЛХИЙН МЭДЭЭ | УЛС ТӨР
НЬЮ-ЙОРК. /Kyodo/. Умард Солонгосын эсрэг нэмэлт хориг арга хэмжээ авах тухай тогтоолын төсөл баталсан НҮБ-ын Аюулгүйн Зөвлөлийг АНУ сайшааж байгаа бол яриа хэлэлцээ хийх нь чухал болохыг Хятад болон Орос онцлон тэмдэглэж байна.
Өнгөрсөн сард тив алгасах хоёр баллистик пуужин харвасных нь хариуд НҮБ-ын Аюулгүйн Зөвлөл Умард Солонгосын эсрэг хориг арга хэмжээ авах тухай тогтоолын төслийг уржигдар санал нэгтэйгээр баталжээ.
Аюулгүйн Зөвлөл урьд нь Умард Солонгосоос нүүрс, төмөр, төмрийн хүдэр болон далайн гаралтай бүтээгдэхүүнүүд импортлохыг тодорхой хэмжээгээр хязгаарласан тогтоолууд баталж байсан бол энэ удаагийн тогтоолоор тус улсаас дээрх ашигт малтмалуудыг импортлохыг бүрэн хориглосон байна.
АНУ-ын Ерөнхийлөгч Дональд Трамп “Твиттер”-т “Энэ бол Умард Солонгосын эсрэг авсан хамгийн том эдийн засгийн хориг арга хэмжээ. Пхеньян санхүүгийн хувьд асар их хэмжээний хохирол амсах болно” гэж бичжээ.
Энэ тогтоолыг бүрэн хэрэгжүүлэхийг АНУ-аас НҮБ-д суугаа Байнгын төлөөлөгч Никки Хэйли бүх улс оронд уриаллаа.
Харин Хятад улсаас НҮБ-д суугаа Байнгын төлөөлөгч Лю Зеи хэлэхдээ “Энэ тогтоол бол дипломат арга замаар асуудлыг шийдвэрлэх зорилго бүхий зургаан талын хэлэлцээг сэргээх зорилготой” гэжээ.
Солонгосын хойгийг цөмийн зэвсгээс ангижруулах зорилго бүхий зургаан талын хэлэлцээг АНУ, Япон, Хятад, Орос болон хоёр Солонгос хийж байсан юм. Энэ хэлэлцээ 2008 оноос хойш гацаанд ороод байгаа билээ.
Тэгвэл ОХУ-аас НҮБ-д суугаа Байнгын төлөөлөгч Василий Небензя хэлэхдээ “Зургаан талын хэлэлцээг сэргээх нь Умард Солонгостой холбоотой асуудлыг шийдвэрлэх гарц байх болно” гэжээ.
Өнгөрсөн сард тив алгасах хоёр баллистик пуужин харвасных нь хариуд НҮБ-ын Аюулгүйн Зөвлөл Умард Солонгосын эсрэг хориг арга хэмжээ авах тухай тогтоолын төслийг уржигдар санал нэгтэйгээр баталжээ.
Аюулгүйн Зөвлөл урьд нь Умард Солонгосоос нүүрс, төмөр, төмрийн хүдэр болон далайн гаралтай бүтээгдэхүүнүүд импортлохыг тодорхой хэмжээгээр хязгаарласан тогтоолууд баталж байсан бол энэ удаагийн тогтоолоор тус улсаас дээрх ашигт малтмалуудыг импортлохыг бүрэн хориглосон байна.
АНУ-ын Ерөнхийлөгч Дональд Трамп “Твиттер”-т “Энэ бол Умард Солонгосын эсрэг авсан хамгийн том эдийн засгийн хориг арга хэмжээ. Пхеньян санхүүгийн хувьд асар их хэмжээний хохирол амсах болно” гэж бичжээ.
Энэ тогтоолыг бүрэн хэрэгжүүлэхийг АНУ-аас НҮБ-д суугаа Байнгын төлөөлөгч Никки Хэйли бүх улс оронд уриаллаа.
Харин Хятад улсаас НҮБ-д суугаа Байнгын төлөөлөгч Лю Зеи хэлэхдээ “Энэ тогтоол бол дипломат арга замаар асуудлыг шийдвэрлэх зорилго бүхий зургаан талын хэлэлцээг сэргээх зорилготой” гэжээ.
Солонгосын хойгийг цөмийн зэвсгээс ангижруулах зорилго бүхий зургаан талын хэлэлцээг АНУ, Япон, Хятад, Орос болон хоёр Солонгос хийж байсан юм. Энэ хэлэлцээ 2008 оноос хойш гацаанд ороод байгаа билээ.
Тэгвэл ОХУ-аас НҮБ-д суугаа Байнгын төлөөлөгч Василий Небензя хэлэхдээ “Зургаан талын хэлэлцээг сэргээх нь Умард Солонгостой холбоотой асуудлыг шийдвэрлэх гарц байх болно” гэжээ.
Г.Доржханд
