Улаанбаатар
Буриадын ДХЯ-ны тэргүүн Монголчуудыг хамгаалахаа амлав
МОНГОЛЫН МЭДЭЭ | ХУУЛЬБуриадын Ардын их хурлын чуулган дээр Буриадын ДХЯ-ны тэргүүн, хошууч генерал Олег Кудинов монгол жуулчдыг хамгаалалтад авахаа мэдэгдэв.
Улаан-Үүд Хиагтын чиглэлийн авто замын ойролцоо Монгол Улсын иргэдэд халдсан хэрэг энэ сарын 16-нд гарсан. Багтай 5 этгээд Монголоос Улаан-Үүдийг зорин очсон гэр бүлийн хосуудад халдаж, гарыг нь хүлж, сүрдүүлэн их хэмжээний мөнгийг нь дээрэмдсэн юм. Энэхүү хэргийг Буриадын Ардын их хурлын чуулганы хоёрдугаар сарын 25-ны хуралдаан дээр Олег Кудинов дурдаж, энэ үеэр депутат Валерий Цыремпилов энэ дуулиант хэргийг яаралтай илрүүлэхийг цагдаагийнханд анхааруулжээ. Энэ хэрэг Монголд их яригдаж шуугиж байгааг тэр анхааруулсан юм. “Бид Монголын цагдаагийн төлөөлөгч нартай ажлын уулзалт хийсэн. Буриадад Монголыг жуулчид ирж байгаа цагт бид дэг журмыг сахиулж чадна” хэмээн цагдаагийн тэргүүн хариулт өгчээ.
Ж.Батсайхан
