Улаанбаатар
Аймгийн 2030 он хүртэлх хөгжлийн хэтийн зорилтыг дараагийн хуралдаанаар хэлэлцэхээр буцаалаа
ОРОН НУТГИЙН МЭДЭЭ | УВС
Увс /МОНЦАМЭ/. Аймгийн ИТХ-ын 7 дахь удаагийн сонгуулийн Долоодугаар хуралдаан энэ сарын 29-ний өдөр боллоо. Нэгдсэн хуралдаан 80 гаруй хувийн ирцтэйгээр хуралдаж, “Увс аймгийн хөгжлийн хэтийн зорилт /2018-2028 оны/-ын тухай, “Улаангом сумын ерөнхий төлөвлөгөө батлах тухай, Аймгийн дэд хөтөлбөрүүдийн хэрэгжилтийн явц, үр дүнд хийсэн хяналт-шинжилгээ, үнэлгээний тухай илтгэлүүдийг хэлэлцлээ.
Өнөөдрийн эхний хэлэлцэх асуудал болох “Увс аймгийн 2030 он хүртэлх Хөгжлийн хэтийн зорилт”-ыг хэлэлцэж үзээд судалгаа дутуу, орон нутагтай хамтарч ажиллаагүй гэдэг шалтгаанаар дараагийн хуралдаанаар оруулж ирэхээр төлөөлөгчдийн олонхийн саналаар буцаалаа. Тус илтгэлийг "Хүний хөгжил сургалт судалгааны төв" ТББ-ын зөвлөх Ш.Мөнхцэрэн тавьсан юм.
Аймгийн ИТХ-ын долоо дахь
удаагийн сонгуулийн Наймдугаар хуралдаан ирэх сарын 2-3-нд болох бөгөөд энэ
үеэр аймгийн нийгэм эдийн засгийг 2019 онд хөгжүүлэх үндсэн чиглэл, аймгийн
2019 газар зохион байгуулалтын төлөвлөгөө зэрэг илтгэлийг хэлэлцэх юм.
