Хашоггийн амийг хөнөөсөн хэрэгтэй холбоотой АНУ-ын байр суурийг няцаажээ
ДЭЛХИЙН МЭДЭЭ | УЛС ТӨРМОСКВА. /РИА
Новости/. Сэтгүүлч Жамаль Хашоггийн амийг хөнөөсөн хэрэг гарсны хариуцлагыг
Саудын Арабын угсаа залгамжлах хунтайж Мухаммед бен Сальман Аль
Саудад хүлээлгэсэн талаархи АНУ-ын Конгрессын Сенатын байр суурийг Саудын
Араб няцаажээ. Энэ тухай Саудын Арабын Гадаад хэргийн яамны мэдэгдэлд дурджээ.
Жамаль Хашоггийг
хөнөөсөн хэрэг гарсны хариуцлагыг Саудын Арабын угсаа залгамжлах хунтайжид
хүлээлгэх тогтоолыг АНУ-ын Сенат санал нэгтэй баталсан тухай өмнө нь мэдээлсэн
билээ.
"Саудын Араб
АНУ-тай харилцаагаа хөгжүүлэхэд баримтлах чиг баримжаагаа батлан мэдэгдэж
байгаа хэдий ч АНУ-ын сенатын баримталж буй байр суурьтай холбоотой асуудалд
санаа зовниж байна” хэмээн тус улсын Гадаад хэргийн яам онцлон тэмдэглэжээ.