Алт тушаалт валютын нөөцийг 300 сая ам.доллараар нэмжээ

Монголын мэдээ | ЭДИЙН ЗАСАГ
ariunzaya@montsame.mn
2015-09-17 17:57:33

Монголбанкнаас танилцуулсан 8 дугаар сарын статистик мэдээллээр нийт хадгаламжийн үлдэгдэл 7.2 их наяд төгрөг болж өнгөрсөн оны мөн үетэй харьцуулбал 7 хувиар өссөн байна.

Нийт хадгаламжийг байршуулсан төрлөөр нь авч үзвэл 70.3 хувийг төгрөгөөр, үлдсэн 30 орчим хувийг валют хэлбэрээр хадгалуулжээ. Энэ онд иргэд төгрөгийн хадгаламжийг түлхүү сонгож буй аж. 

Түүнчлэн Монголбанкны тайланд дурдсанаар энэ оны эхний 8 сарын байдлаар Төвбанк алт  нийт 7.4 тонн алт худалдан авсан байна. Энэ нь ойролцоогоор валютын нөөцийг 300 орчим сая ам.доллараар нэмэгдүүлжээ. Алт худалдан авалт өнгөрсөн оны мөн үеэс 391.8 кг-аар өссөн байна. Харин өнгөрөгч онд Монголбанк нийт 12.7 тонн алтыг  үйлдвэрлэгчдээс худалдаж авснаар валютын нөөцийг 500 гаруй сая ам. доллараар нэмэгдүүлжээ.

 Б.Заяа

Холбоотой мэдээ
Сэтгэгдлүүд