Аргалант сумын ИТХ-аас "Хүмүүн бичиг" сонинг захиалан унших уриалга гаргалаа
ОРОН НУТГИЙН МЭДЭЭ | ТӨВТөв /МОНЦАМЭ/. Аргалант сумын ИТХ-ын дарга Д.Тарав санаачлан 2020 оноос Төрийн хэргийг монгол бичгээр хөтлөн явуулах тухай Засгийн газрын шийдвэрийг биелүүлэх зорилтын хүрээнд "Хүмүүн бичиг" сонинг захиалан унших уриалга гаргажээ.
ИТХ-ын даргын уриалгыг дэмжиж сумын хурлын төлөөлөгч 15 гишүүн "Хүмүүн бичиг" сониноо захиалаад байгаа аж. Аргалант сумын ИТХ-ын төлөөлөгчид сумынхаа бүх албан хаагч, иргэд, албан байгууллагууд болон арван жилийн сургуулийн сурагчдад "Хүмүүн бичиг" сонинг захиалан унших уриалга хүсэлт илгээгээд байна хэмээн тус сумын ИТХ-ын нарийн бичиг Р.Алтанзул мэдээлэл өглөө.