Улсын физикийн 32 дугаар олимпиад Өмнөговь аймагт болно
ОРОН НУТГИЙН МЭДЭЭ | ӨМНӨГОВЬӨмнөговь /МОНЦАМЭ/ Өмнөговь аймагт улсын физикийн 32 дугаар олимпиадыг "Оюуны дэвшилд хамтдаа" уриан дор энэ сарын 22-26-ны өдөр зохион байгуулна.
Олимпиадад 21 аймаг, 9 дүүргээс шалгарсан багш,
сурагчид 9-р анги,12-р анги, багш гэсэн 3 төрлөөр өрсөлдөх юм байна. Энэ нь Өмнөговь аймагт болж байгаа улсын чанартай анхны олимпиад гэдгээрээ онцлог ажээ.
Олимпиадыг угтаж улсын физикийн олимпиадын хороотой хамтран 5 удаагийн модуль сургалтыг орон нутагт болон Улаанбаатарт хийсний зэрэгцээ олимпиадын тугийг сургуулиудаар аялуулж, физикийн туршилт, уралдаан тэмцээнийг зохион байгуулж байна.