Улаанбаатар
Багш нарын дунд даавуун тор урлах уралдаан боллоо
ОРОН НУТГИЙН МЭДЭЭ | УВС
Увс /МОНЦАМЭ/. Өнгөрсөн сарын 1-нээс эхлэн улс даяараа нийлэг уутнаас татгалзаж, даавуун, цаасан тор ахуйдаа хэрэглэх болсонтой холбогдуулан Увс нуурын ай савын УТХГН-ийн Хамгаалалтын захиргаанаас аймгийн БСУГ-тай хамтран багш нарын дунд даавуун тор урлах уралдаан зарлан явуулсан байна. Энэхүү уралдаанд аймгийн 24 сургуулийн багш нарын урласан 300-гаад бүтээл ирснээс шүүгчдийн бүрэлдэхүүн шилдгүүдийг шалгаруулжээ.
Спорт торны ангилал 1-р байрт Сагил сумын сургуулийн багш Б.Баярхүү, 2-р байрт Бөхмөрөн сумын сургуулийн багш Б.Одбаяр, 3-р байрт Наранбулаг сумын сургуулийн багш Ц.Эрхбаяр нар шилдгээр шалгарчээ.
Харин гэр ахуйн торны ангилалд Сагил сумын сургуулийн багш Б.Баярхүү, Өлгий сумын сургуулийн багш Б.Жавзан, Улаангом сумын Ерөнхий боловсролын 4-р сургуулийн багш О.Өнөржаргал нарын бүтээсэн тор тэргүүлжээ.
Тэрчлэн албан хэрэгцээний тор ангилалд Бөхмөрөн сумын сургуулийн багш Б.Одбаяр, Тэс сумын сургуулийн багш С.Алтанцэцэг, Улаангом сумын Ерөнхий боловсролын 3-р сургуулийн багш Г.Болормаа нар эхний гурван байр эзэлсэн байна.
Сурагчийн хэрэгцээний торны ангилалд Наранбулаг сумын сургуулийн багш Ц.Эрхбаяр, Цогцолбор 2-р сургуулийн багш Б.Нарангэрэл, Цогцолбор 1-р сургууль, багш О.Байгалмаа нар тэргүүлжээ.
Үүнээс гадна сурагчдын дунд явуулсан бүтээлч сэтгэлгээний
уралдааны ханын зураг ангилалд Улаангом сумын Ерөнхий боловсролын 3-р сургуулийн
сурагч Б.Ганбат, биет бүтээл ангилалд Цогцолбор 1-р сургуулийн сурагч А.Мөнгөншагай
нар тус тус тэргүүлсэн байна.
