Аймгийн ихэнх нутгаар хур тунадас орж, салхи шуургатай байна
ОРОН НУТГИЙН МЭДЭЭ | УВСУвс /МОНЦАМЭ/. Энэ сарын 13-20-ны хооронд аймгийн ихэнх нутгаар хур тунадас орж, салхи шуургатай байна. Энэ сарын 13-нд зарим нутгаар, 14-нд ихэнх нутгаар хур тунадас орсон бол 15, 16-нд уулархаг нутгаар, 17-нд зарим газраар хур тунадас орох төлөвтэй байна.
Өчигдөр буюу энэ сарын 14-нд
нутгийн баруун болон өмнөд хэсгээр түр зуур 16-18 м/с шүрүүсч шороон болон
цасан шуурга шуурлаа. Ялангуяа Малчин, Хяргас, Тариалан зэрэг суманд цас орсон
байна.
Энэ долоо хоногт аймгийн нийт нутгаар сэрүүсч уулархаг
нутгаар шөнөдөө 6-11 хэм хүйтэн, өдөртөө 1-6 хэм дулаан, бусад нутгаар шөнөдөө
4 хэм хүйтнээс 1 хэм дулаан, өдөртөө 7-12 хэм дулаан байх аж. Энэ сарын 19-нөөс
цаг агаар дулаарна.