Хот хоорондын 60 км авто зам 2020 онд ашиглалтад орно
ОРОН НУТГИЙН МЭДЭЭ | ӨВӨРХАНГАЙӨвөрхангай /МОНЦАМЭ/. Арвайхээр-Улаанбаатар хоорондын улсын чанартай авто замын Өвөрхангайд харьяалагдах 60 км хэсэг эвдрэл ихтэйгээс зорчигчдын бухимдлыг төрүүлсээр хэдэн жилийн нүүрийг үзэж буй.
Аймгийн удирдлагууд
уг асуудлыг шийдвэрлүүлэхээр тойргоос
сонгогдсон УИХ-ын гишүүд, Монгол Улсын Ерөнхийлөгч,
Ерөнхий сайд, салбарын сайд, дарга нар гээд хандаагүй хүн байхгүй. Үүний
үр дүнд Азийн хөгжлийн банкны хөнгөлөлттэй зээлээр замыг бүрэн шинэчлэхээр
болсон ч одоогоор ажлыг эхлээгүй байна.
Аймгийн Засаг дарга
Г.Ганболд хэлэхдээ “Зураг төслийн ажил хийгээд дууссан. Зам, тээврийн хөгжлийн
яамны захиалгаар зөвлөх үйлчилгээний тендерийг зарлаад байна. 8 сар гэхэд
гүйцэтгэгч компанийг шалгаруулж, 2020 он гэхэд замыг бүрэн ашиглалтад оруулна”
гэлээ.