ШУТИС-ийн судлаач, инженерүүдийн саналыг сонсов

Монголын мэдээ | Боловсрол
bolor@montsame.mn
2019-06-17 11:25:37

Улаанбаатар /МОНЦАМЭ/.  Монгол Улсын Сайд, ЗГХЭГ-ын дарга Л.Оюун-Эрдэнэ, Монгол Улсын урт хугацааны хөгжлийн бодлого төлөвлөх ажлын хэсгийн ШУТИС-ийн судлаач, инженерүүдтэй уулзан, тэдний саналыг сонслоо.


Уулзалт, хэлэлцүүлгийн үеэр УИХ-ын даргын зөвлөх, ШУТИС-ийн Удирдах зөвлөлийн дарга, доктор, профессор Д.Бадарч “Стратеги-2045” сэдвээр, ШУТИС-ийн Мэдээлэл, холбооны технологийн сургуулийн профессор, доктор А.Эрдэнэбаатар “Аж үйлдвэрийн 4 дүгээр хувьсгал ба мэдээллийн технологи” сэдвээр,  ШУТИС-ийн Нээлттэй боловсролын төвийн судлаач, доктор Р.Найдандорж “Их сургуулийн шинэчлэл ба Монгол Улсын хөгжил” сэдвээр, ШУТИС-ийн Эрдэм шинжилгээ, хамтын ажиллагаа эрхэлсэн дэд захирал, доктор, профессор Т.Намнан “Монгол Улсын урт хугацааны хөгжлийн бодлогод дэвшүүлэх зарим санал” сэдвээр илтгэл хэлэлцүүлэв.

ШУТИС-ийн судлаач, инженерүүд Монгол Улсын ирэх 25 жилийн хөгжлийн бодлого боловсруулах асуудалд эрдэмтэн судлаачдын санал, санаачилгыг сонсож байгаад нь талархаж буйгаа хэлээд цаашид тус ажлын хэсэгтэй бүхий л талаар хамтран ажиллах боломжтой гэдгээ илэрхийлсэн юм. 

Холбоотой мэдээ