Улаанбаатар
Германд байлдааны нисдэг тэрэг осолджээ
ДЭЛХИЙН МЭДЭЭ | УЛС ТӨР
БЕРЛИН. /Reuters/. Герман улсын хойд нутагт байлдааны нисдэг тэрэг осолдож нэг нисгэгч амиа алдаж, нэг нисгэгч шархадлаа гэж тус улсын Батлан хамгаалахын сайд Урсула Фон Дер Лейен мэдэгдэв.
Осолдсон "Eurocopter EC135" загварын байлдааны нисдэг тэрэгнээс амьд үлдсэн нисгэгчийг эмнэлэгт хүргэсэн тухай сэтгүүлч нар мэдээллээ.
"Ослын шалтгаан одоогийн байдлаар тодорхойгүй байгаа бөгөөд шалтгааныг мөрдөн шалгах болно" гэж Урсула Фон Дер Лейен мэдэгдэлдээ дурджээ. Мөн тэрбээр, уг осол бид бүхний хувьд эмгэнэлтэй явдал боллоо гэсэн байна.
