“Avengers: Endgame” кино “Avatar”-ын амжилтыг эвдэнэ

Дэлхийд | Соёл урлаг
khulan@montsame.gov.mn
2019-07-22 13:09:22

ВАШИНГТОН. /BBC/. Avengers: Endgame” кино бүх цаг үеийн хамгийн их ашиг орлого олсон кинонуудын жагсаалтыг тэргүүлэгч “Avatar” киноны амжилтыг энэ долоо хоногт эвдэх төлөвтэй байна.


Нэрт найруулагч Жеймс Камеруны шилдэг уран бүтээлүүдийн нэг “Avatar” 2.7897 тэрбум ам.долларын ашиг орлого олсон бол “Disney”, “Marvel Studios” компанийн хамтын уран бүтээл дээрх амжилтад хүрэхэд 500 мянган ам.доллар /2.7892 тэрбум ам.доллар/ дутуу байгаа ажээ.


Ташрамд дурдахад, "Avengers: Endgame" кино өнгөрсөн дөрөвдүгээр сард нээлтээ хийсэн эхний 5 хоногтоо нэг тэрбум ам.доллар, 11 хоногийн дотор хоёр тэрбум ам.долларын ашиг орлого олж, эдгээр дээд амжилтыг шинэчлэн тогтоосон билээ. 

Холбоотой мэдээ