Суданы эрх баригчид Үндсэн хуулийн тунхаглал батална
ДЭЛХИЙН МЭДЭЭ | УЛС ТӨРЛОНДОН. /Reuters/. Суданы Шилжилтийн Цэргийн
зөвлөл болон тус улсын гол сөрөг хүчин болох “Эрх чөлөө, өөрчлөлтийн төлөөх” эвсэл
энэ сарын 17-нд Үндсэн хуулийн тунхаглалд гарын үсэг зурна хэмээн “Reuters” агентлаг мэдээлжээ.
Эх сурвалжуудын мэдээлснээр, энэ сарын 18-нд талууд Тусгаар
тогтнолын зөвлөл байгуулах тухайгаа зарлах аж. Энэхүү зөвлөл нь шилжилтийн
үеийн гурван жилийн хугацаанд төрийг удирдах юм байна. Улс орны шинэ ерөнхий сайдыг
энэ сарын 20-нд томилох аж.
Долдугаар сарын
эхээр байгуулахаар тохиролцсон Тусгаар тогтнолын зөвлөл нь иргэний болон
цэргийн 11 төлөөлөгчөөс бүрдэх юм. Энэ бүрэлдэхүүнд цэргийн зөвлөлийн сонгосон
5 хүн, “Эрх чөлөө, өөрчлөлтийн төлөө” эвслийн сонгох 5 иргэн багтана. Түүнчлэн бүрэлдэхүүнд
багтах дахин нэг хүний нэрийг талууд хамт дэвшүүлнэ. Тусгаар тогтнолын
зөвлөлийг эмхлэн байгуулсны дараа шилжилтийн Цэргийн зөвлөлийг тараах ёстой ажээ.