Улаанбаатар
Боловсролын салбарынхан чуулав
ОРОН НУТГИЙН МЭДЭЭ | ХОВД
Ховд /МОНЦАМЭ/. Ховд аймгийн Боловсрол
соёл урлагийн газраас “Сургалтын хөтөлбөрийн хэрэгжилтэд дэмжлэг үзүүлэх арга
зүй” сэдэвт багш нарын бага хурал зохион байгуулж байна.
Хуралд аймгийн Засаг дарга
Б.Дүгэржав, БСУГ-ын дарга М.Пүрэвхүү болон бусад удирдах ажилтан, 17 сумын ерөнхий боловсролын
сургууль, цэцэрлэгийн захирал, эрхлэгч, сургалтын
менежер, багш нарын төлөөлөл 380 гаруй
хүн оролцов.
Хурлаар 2018-2019 оны хичээлийн жилийн сургалтын хөтөлбөрийн хэрэгжилтийн үр
дүнг дүгнэн хэлэлцэж, цаашдын үйл
ажиллагааны зорилго, зорилтыг
тодорхойлох замаар боловсролын салбарын өнөөгийн байдал, анхаарах асуудлын талаар харилцан санал солилцов.
Энэ үеэр Монгол Улсын Засгийн газар болон аймгийн
Засаг даргын үйл ажиллагааны хөтөлбөр, БСШУСЯ-ны зорилтын хүрээнд орон
нутгийн боловсролын салбарын шинэчлэлийг эрчимжүүлэх, байгууллагын менежмент,
чадавхийг сайжруулах, багш, хүүхэд бүрийг хөгжүүлэх талаар гаргасан 2019-2020
оны хичээлийн жилийн шинэ зорилго, зорилтын талаар албаныхан танилцуулсан юм.
Боловсролын салбарынхан
энэ хичээлийн жилд “Хичээл хөгжүүлэх үйл ажиллагааны бэлтгэлийг чанартай бэлтгэн, үр дүнтэй хэрэгжүүлж, сургалтын байгууллага,
багш, эцэг эх, асран хамгаалагчийн хамтын
оролцоо, үүрэг хариуцлагыг нэмэгдүүлж, суралцагчийн хөгжил,
төлөвшилд ахиц гаргана” гэсэн зорилго тодорхойлж, хэрэгжүүлэх ажлынхаа хүрээнд үндсэн таван чиглэлийн зорилт дэвшүүлсэн байна.
Цаашид боловсролын талаарх төрийн бодлого, хууль тогтоомжийн хэрэгжилтийг хангах, орон нутгийн боловсролын хөгжлийн
төлөвлөлтийг боловсруулах, салбарын үйлчилгээний хүртээмж, олон нийтийн оролцоог нэмэгдүүлэх, багшийн хөгжлийг хангах, онол, заах арга зүйн ур чадварыг сайжруулах, дотуур байрны хүртээмж, чанарын үнэлгээг
ахиулах, багш сурагчдад ээлтэй, эерэг харилцаа хандлага бий болгох, материаллаг
баазыг бэхжүүлэх, сургалтын чанар стандартыг дээшлүүлэх чиглэлд анхаарч ажиллах санал гаргав.
