ЕХ АНУ-д хариу татвар ногдуулна
ДЭЛХИЙН МЭДЭЭ | ЭДИЙН ЗАСАГБРЮССЕЛЬ. /TASS/. “Airbus”-н хэргээр Европын Холбооны эсрэг 7.5 тэрбум
ам.долларын худалдааны шинэ татвар ногдуулах АНУ-ын шийдвэрт харамсаж буйгаа
Европын комисс илэрхийлэхийн сацуу хариу татвар ногдуулахаа амлажээ. Энэ тухай
Худалдааны асуудал эрхэлсэн Европын комиссар Сесилия Мальмстрём мэдэгдсэн байна.
“Татвар ногдуулах АНУ-ын шийдвэрт бид харамсаж байна. Энэ алхам нь “Boeing”
компанийн хэргээр хариу татвар ногдуулахаас өөр гарцыг бидэнд үлдээсэнгүй”
хэмээн тэрбээр ярьжээ..
“Европын комисс АНУ-ын татварын үйлчлэлийг хянаж, үйлдвэрлэгчид тэр дундаа хөдөө аж ахуйн салбар дахь үйлдвэрлэгчдээ хамгаалах болно. Европын холбоо төдийгүй АНУ өртөж буй татвар нь талуудын урт хугацааны ашиг сонирхолд нийцэхгүй. “Airbus”-н эсрэг мэдүүлсэн гомдлын асуудлаар ЕХ-ноос зөрчил илрүүлсэн Дэлхийн худалдааны байгууллага мөн АНУ-аас зөрчил илрүүлсэн” хэмээн тэрбээр мөн мэдэгдсэн байна.