Улаанбаатар
“Оны онцлох хүүхэд”-ээр Ш.Ариунзаяа тодорлоо
ОРОН НУТГИЙН МЭДЭЭ | УВС
Увс /МОНЦАМЭ/. Улаангом сумын Ерөнхий боловсролын 5-р сургуулийн 12А ангийн сурагч Шадархүүгийн Ариунзаяа Монгол Улсын “Оны онцлох хүүхэд”-ээр шалгаран Монгол Улсын Ерөнхий сайд У.Хүрэлсүхээс шагналаа гардан авлаа.
Ш.Ариунзаяа
нь сурах арга барилыг сайн эзэмшин, суралцах хугацаандаа 12 жил дараалан
сурлагын А үнэлгээтэй суралцаж, урлаг, спортоор хичээллэдэг манлайлагч сурагч байна. Тэрбээр аймгийн
Хүүхдийн ӨУБ-ын үйл ажиллагаанд идэвх санаачилгатай оролцон бусдыгаа манлайлан
ажиллаж, хүмүүнлэг энэрэнгүй сайн үйлс, хүүхдийн өөрийн удирдлагын байгууллагын
чиглэлээр явуулсан үйл ажиллагааны үр дүн амжилтаараа ийнхүү
“Хүүхдийн
өөрийн удирдлагын байгууллага номинаци”-д оны онцлох хүүхдээр
шалгарчээ. Ш.Ариунзаяа өнөөдөр аймагтаа хүрэлцэн ирсэн бөгөөд
түүнийг аав ээж, ах дүү, найз нөхөд, сургууль, хүүхдийн байгууллагын
удирдлагууд хүлээн авч уулзан, хүндэтгэл үзүүллээ.
