Гэмт хэрэгтэй тэмцэхэд хамтран ажиллахыг “Apple” компанид уриалжээ

ДЭЛХИЙН МЭДЭЭ | НИЙГЭМ
Jargal.d@montsame.mn
2020-01-15 15:12:16

МОСКВА. /TASS/. АНУ-ын Ерөнхийлөгч Дональд Трамп тус улсын “Apple” компанийг хууль зөрчсөн гэж үзэж буй этгээдүүдийн талаар холбогдох мэдээллийг өгөхөөс татгалзсан гэж буруутгаад, гэмт хэрэгтэй тэмцэх чиглэлээр хамтран ажиллахыг уриалжээ.


“Бид “Apple” компанид худалдаа зэрэг бусад олон асуудлаар цаг үргэлж тусалдаг боловч тэд алуурчид, мансууруулах бодисын наймаачид болон бусад хүнд гэмт хэрэгтнүүдийн гар утасны дугаарыг ил болгохоос татгалздаг. Тэд хариуцлага хүлээж, манай агуу оронд туслах л болно” гэж тэрбээр “Twitter” хуудсандаа бичсэн байна.


Трамп мөн гэмт хэрэгтэй тэмцэхэд “Apple” компани "яг одоо" туслах ёстой гэж том үсгээр нэмж бичжээ.


Гэмт хэргийн сэжигтнүүдийг ухаалаг гар утсанд нэвтрэх түлхүүр үгийг “Apple” компани тусгай албаныханд өгөхөөс татгалзсан гэх дуулиан шуугиан өмнө нь АНУ-д хэд хэдэн удаа гарсан юм. 

Холбоотой мэдээ