Соёл яруу найргийн академиас Үндэсний төв номын санд 100 орчим ном бэлэглэв

МОНГОЛЫН МЭДЭЭ | БОЛОВСРОЛ
dogsom@montsame.mn
2016-04-29 12:16:58

“Үндэсний бичиг үсгийн баяр”-ын өдөр Монголын Соёл Яруу найргийн академийн ерөнхийлөгч Г.Мэнд-Ооёо тус Академийн хэрэгжүүлсэн төслөөр гадаадад болон дотоодод англи, франц, япон, хятад, бенгал, тамил, македони зэрэг хэлнээ, мөн гадаад хэлнээс монгол үндэсний орчуулагчдын орчуулгаар хэвлэсэн 54 төрлийн 100 ширхэг номыг Монголын Үндэсний Номын санд бэлэглэв.

 Тэрбээр 1991 онд анх Соёлын сангийн ерөнхийлөгч байхдаа "Үндэсний бичиг соёлын хишиг өдөр" хэмээн нэрлээд энэхүү өдрийг санаачилж байсан аж. Соёл яруу найргийн Академиас “Бичиг, соёл” хөтөлбөрийн хүрээнд 2006 оноос сүүлийн 10 жилд үндэсний уран зохиолын бүх цаг үеийн дээжээс сонгон англи хэлнээ орчуулж хэвлэн дэлхий дахины уншигчдад хүргэх зорилт амжилттай хэрэгжиж байгааг тэрбээр дурдав.

Ж.Болор

 

Холбоотой мэдээ