НИТХ-ын сонгуульд нэр дэвшигчид үнэмлэхээ гардан авлаа

Монголын мэдээ | Улс төр
munkhbaatar@montsame.gov.mn
2020-09-30 16:11:42
@s_munkhbaatar

Улаанбаатар /МОНЦАМЭ/. НИТХ-ын 2020 оны ээлжит сонгуульд нэр дэвшигчид өнөөдөр нийслэлийн Сонгуулийн хорооноос үнэмлэхээ гардан авлаа.


Энэ удаагийн сонгуульд Монгол Ардын нам, Ардчилсан нам, МАХН, Монголын ногоон нам, Дэлхийн Монголчуудын нам, Сахигтун! Үндсэн хуулийн 19 эвсэл болон Ж.Ганбаатар, Д.Мөнх-Эрдэнэ нарын бие даагч үнэмлэхээ гардан авсан юм.


Энэ үеэр нийслэлийн Сонгуулийн хорооны дарга Ү.Ганболд, “Монгол Улсын аймаг, нийслэл, сум, дүүргийн ИТХ-ын сонгуулийн тухай хуулийн 38 дугаар зүйлийн 38.1-д зааснаар өнөөдөр үнэмлэхээ гардаж авснаар сонгуулийн сурталчилгаагаа эхлүүлэх бололцоотой боллоо. Сонгуулийн сурталчилгааг 10 дугаар сарын 13-ны өдрийг дуустал явуулах ёстой. Сонгуулийн хууль болон бусад холбогдох хууль тогтоомжийг удирдлага болгон ажиллахыг хүсэж байна” хэмээлээ.

Холбоотой мэдээ