Аймгийн ИТХ-ын сонгуульд 19 бие даагч нэр дэвшин өрсөлджээ
ОРОН НУТГИЙН МЭДЭЭ | УВСУвс /МОНЦАМЭ/. Аймаг, сумын ИТХ-ын сонгуулийн дүн эцэслэн
гарч дуусаад байна. Увс аймгийн ИТХ-ын 41 суудлын 19-ыг АН, 17-г МАН авсан бол
харин үлдсэн 5 суудлыг бие даагчид авсан байна. Энэ удаагийн аймгийн ИТХ-ын
сонгуульд 19 бие даагч нэр дэвшин өрсөлдсөн бөгөөд эдгээрийн ихэнх нь МАН-ын
гишүүд байжээ. Шинээр бүрэлдэж байгаа аймгийн ИТХ-ын 41 төлөөлөгчийн 4 нь
эмэгтэй аж.
Увс аймгийн 19 сумын ИТХ-ын 403 суудлын 181 суудлыг МАН,
216 суудлыг АН, 5 суудлыг бие даагчид авчээ. Өөрөөр хэлбэл Өмнөговь сумын
ИТХ-ын 21 суудлын 5-ыг нь бие даагч авсан байна. Увс аймгийн 19 сумын ИТХ-ын
403 суудлын 312-ыг нь эрчүүд авсан бол 91-ийг нь эмэгтэйчүүд авсан байна.
Бөхмөрөн, Баруунтуруун, Завхан, Малчин, Өлгий, Өмнөговь,
Өндөрхангай, Сагил, Тариалан, Тэс суманд АН харин үлдсэн
9 суманд МАН ялалт байгуулжээ.