Улаанбаатар
Өмнөговь сумын 19 ээж “Алдарт эх” боллоо
ОРОН НУТГИЙН МЭДЭЭ | УВС
Увс аймгийн Өмнөговь сумынхан Эх үрсийн баярыг Цэцэрлэгт хүрээлэндээ өргөн дэлгэр тэмдэглэн өнгөрүүлсэн байна.
Энэ үеэр 3-5-р ангийнхны дунд унадаг дугуйн уралдаан эрэгтэй, эмэгтэй төрлөөр, хөгжилтэй буухиа тэмцээн 6-8-р ангийнхны дунд холимог багаар, олс таталтын тэмцээн 9-12-р ангийнхны дунд мөн холимог багаар явагджээ. Баг тус бүр 10 тамирчинтай оролцсон бөгөөд тэмцээний төрөл бүр дээр 1-3-р байр шалгаруулан амжилттай оролцсон хүүхэд багачуудад сумын ЗДТГ-аас шагнал гардуулсан байна.
Тус сумын 19 ээж “Алдарт эх”-ийн 2-р зэргийн одонгоор шагнуулсныг сумын удирдлагууд гардуулан өглөө.
Увс аймаг Б.Батхүү
