Сэлэнгэ аймаг байгуулагдсаны түүхт 90 жилийн ойг 7 дугаар сард тэмдэглэнэ
ОРОН НУТГИЙН МЭДЭЭ | СЭЛЭНГЭСэлэнгэ/МОНЦАМЭ/. Сэлэнгэ аймгийн ИТХ-ын
Тэргүүлэгчдийн анхдугаар хуралдаан энэ сарын 20-ны өдөр цахимаар хуралдлаа. Тус
хуралдаанаар дараах асуудлуудыг хэлэлцэн
шийдвэрлэсэн
байна. Тодруулбал:
-Ой тэмдэглэх зөвшөөрөл олгох тухай асуудлыг
хэлэлцэн, Сэлэнгэ аймаг байгуулагдсаны түүхт 90 жилийн ойг 2021 оны 07 дугаар
сард тэмдэглэн өнгөрүүлэхээр боллоо.
-Мөн түгээмэл тархацтай ашигт малтмалын хайгуулын
зөвшөөрөл олгох санал өгөх тухай асуудлыг хэлэлцээд аймгийн Засаг даргад санал
хүргүүлэхээр тогтжээ.
-Түүнчлэн сум, байгууллагууд тухайн жилийн төсвийн төслөө
боловсруулан батлахдаа Төсвийн тухай хууль тогтоомжид нийцүүлэн судалгаа
тооцоо, зураг төсөвтэй хөрөнгө оруулалтын ажлуудад төсвийн тооцоолол хийх
чиглэлийг үүрэг болгожээ.
-Аймгийн ИТХ-ын
Тэргүүлэгчдийн анхдугаар хуралдаанаар Цагааннуур сумын харьяат Довдонгийн Амаржаргалыг Хөдөлмөрийн
хүндэт медалиар шагнуулахаар Монгол Улсын Ерөнхийлөгчид санал уламжлах зэрэг асуудлыг авч хэлэлцсэн
байна.