Япон, АНУ-ын сайд нар Токиод уулзана

Дэлхийд | Улс төр
Jargal.d@montsame.mn
2021-03-09 14:15:49

ТОКИО. /TASS/. Япон, АНУ-ын Гадаад хэрэг, Батлан хамгаалахын сайд нар гуравдугаар сарын 16-нд Токио хотноо “2+2” хэлбэрээр уулзахаар төлөвлөжээ.


"Nikkei" сонинд мэдээлж буйгаар, уулзалтын үеэр хэлэлцэх гол сэдвүүдийн нэг нь БНХАУ-тай холбоотой асуудал байх аж. Тодруулбал, талууд Токио, Бээжингийн хоорондох газар нутгийн маргааны сэдэв болох Сенкаку (Дяоюйдао) арлуудын бүсэд Хятадын хөлөг онгоцуудын үйл ажиллагаа идэвхэжсэнд түгшиж буй тухай заалтыг хамтарсан мэдэгдэлдээ оруулж магадгүй байна.


Америкийн тал 1960 онд байгуулсан Хамтын ажиллагаа, аюулгүй байдлын баталгааны тухай хоёр талын гэрээний 5-р зүйлд заасны дагуу Япон, түүний дотор Сенкаку арлуудыг ​​хамгаалах үүрэг амлалтаа өмнө нь хэдийнэ нотолжээ.


Ийм хэлбэрээр хамгийн сүүлд 2019 оны нэгдүгээр сард Вашингтонд хэлэлцээ хийсэн байна. Энэ удаагийн уулзалт Жо Байден АНУ-ын Ерөнхийлөгчийн албан тушаалд орсноос хойш хийж буй анхных болох юм.


Холбоотой мэдээ