Энэ сарын 10-наас хойш Ховд аймгаас 530 иргэн иржээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий
/МОНЦАМЭ/. Ховд аймагт коронавирусний халдвар гарч, өнөөдрийн байдлаар 12 иргэн
цар тахлаар өвчилсөн нь батлагдаад байгаа.
Тус аймагт
халдвар гарсантай холбогдуулан хөрш зэргэлдээ Баян-Өлгий аймаг Ховд аймаг руу
гарах, орох хөдөлгөөнийг бүрэн хаагаад байна. Энэ ажлын хүрээнд Булган сумын
нутагт 2, Дэлүүн сумын нутагт 1 хяналтын цэг нэмж гарган, Ховд-Өлгий чиглэлийн
баруун бүсийн босоо тэнхлэгийн авто зам дагуух Баян-Энгэрийн хяналтын цэгийн үйл ажиллагааг чангатгажээ.
Ховд аймгаас
Баян-Өлгий аймаг руу энэ сарын 10-наас 30-ны өдрийн хооронд 530 иргэн зорчсон
гэсэн мэдээллийг албаны эх сурвалж өгөв. Дээрх иргэдийг олж тогтоох, тандалт
судалгаа хийх ажлуудыг зохион байгуулж байгаа гэдгийг тэрээр онцоллоо.