Улаанбаатар
Тавантолгойн нүүрс ачих логистикийн төвийг хоёрдугаар улирлаас барьж эхэлнэ
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Засгийн газрын өнөөдрийн ээлжит хуралдаанаар, Тавантолгойн нүүрс ачих логистикийн төвийг байгуулах талаар Хятадын талтай энэ сард харилцан тохирохыг холбогдох сайд нарт даалгав.
Энэ хүрээнд боомттой холбоотой асуудлыг “Монгол-Хятадын хилийн төмөр замын хэлэлцээр”-т энэ онд нэмэлтээр тусгахыг үүрэг болголоо.
Гашуунсухайт-Ганцмод боомтын хил нэвтрэх цэг, шилжүүлэн ачих байгууламж барих ажлын ТЭЗҮ, зураг төслийг боловсруулан баталгаажуулж хоёрдугаар улиралд багтаан барьж эхлэхээр төлөвлөж байгаа юм.
