Гал түймрийн аюулаас 100 иргэний амийг авран хамгаалжээ

Монголын мэдээ | Хууль
bolor@montsame.mn
2021-04-18 13:00:55

Улаанбаатар /МОНЦАМЭ/. Он гарсаар улсын хэмжээнд, 4 дүгээр сарын 18-ны өдрийн байдлаар 1006  удаагийн ахуйн гал түймрийн дуудлага бүртгэгдсэн байна.


Дээрх гал түймрийн дуудлагаас Онцгой байдлын байгууллагын алба хаагчид 100 иргэний амийг авран хамгаалжээ.

Тухайлбал, 4 дүгээр сарын 16-ны өдрийн 9.05 цагт Баянзүрх дүүргийн 26 дугаар хорооны нутаг дэвсгэрт байрладаг “Санто” хотхоны барьж байгаа барилгын 16 давхарт гал гарсан тухай дуудлагаар Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчид ажиллан, тус барилгад гүйцэтгэлийн ажил хийж байсан 3 компанийн 75 ажилтныг утаажсан бүсээс гаргаж, угаартсан 8 иргэнийг аварсан тухай Онцгой байдлын ерөнхий газраас мэдээллээ.

Холбоотой мэдээ