Нэг сая дахь илгээмжийн эзэн Увсаас тодорлоо

Орон нутагт | Увс
batkhuu@montsame.mn
2021-06-23 11:26:59

Увс /МОНЦАМЭ/. “Монгол Шуудан” ХК-ийн дотоодын илгээмжийн нэг сая дахь үйлчлүүлэгч Увс аймгаас тодорлоо. Тэрбээр Увс аймгийн Улаангом сумын 3-р багийн иргэн, “Дэглий цагаан” нисэх буудлын ажилтан С.Бямбасүрэн гэх залуу бөгөөд түүнд Эрдэнэт хотоос дотоодын илгээмж иржээ.

Дотоодын илгээмжийн нэг сая дахь үйлчлүүлэгч иргэнд “Монгол шуудан” ХК-ийн Увс аймаг дахь салбарын захирал С.Бямбабаатар өнөөдөр дурсгалын зүйл гардуулан өглөө. Энэхүү дурсгалын зүйл нь 2020 онд “Монгол шуудан” ХК-аас худалдаанд гаргасан Монгол Улсад ашиглаж байсан маркийн цуглуулга аж.

Ийнхүү “Монгол шуудан” ХК-ийн 100 жилийн ойн босгон дээр дотоодын илгээмжийн нэг сая дахь үйлчлүүлэгч орон нутгаас Увс аймагт тодорсон байна.

   

Холбоотой мэдээ