Улаанбаатар
Токиод Паралимпын бэлгэ тэмдгийг байршуулжээ
ДЭЛХИЙН МЭДЭЭ | СПОРТ
ТОКИО. /Teller Report/. Токиогийн Паралимпын наадам ирэх мягмар гарагт
эхлэх гэж буйтай холбогдуулан тус наадмын бэлгэ тэмдгийн аварга том хөшөөг Токио
хотын далайн паркад байршууллаа.
Токиогийн “Одайба”
далайн паркад баасан гаргийн өглөө байршуулсан улаан, хөх, ногоон өнгийн бэлгэ
тэмдгийн хөшөөний өргөн 23 метр, өндөр нь 17 метр ажээ.
Энэхүү хөшөөг Паралимпын
наадмын хаалтын ёслолыг дуустал буюу есдүгээр сарын 5 хүртэл байршуулах бөгөөд
оройн 19 цагаас 05 цаг хүртэл гэрэлтүүлнэ.
Гэвч Токиогийн
засаг захиргааны төлөөлөгчид бэлгэ тэмдгийг заавал биечлэн ирж үзэхгүйгээр
хэвлэл мэдээллийн хэрэгслүүдээр дамжуулан үзэхийг уриалж байна.
Токиод
"COVID-19" халдварын тархалтыг хязгаарлахын тулд онцгой байдал тогтоосон
хэвээр байгаа юм. Үүний зэрэгцээ сүүлийн үед халдвар хурдацтай тархах болсны улмаас орон нутгийн
эмнэлгийн ачаалал ихээхэн нэмэгдэх болоод байна.
