Улаанбаатар
Ковидын эмийн багцад хяналт тавина
ОРОН НУТГИЙН МЭДЭЭ | ХЭНТИЙ
Хэнтий /МОНЦАМЭ/ Аймгийн хэмжээнд коронавирусний халдвар аван хэвтэн эмчлүүлж буй 420, гэрээр эмчлүүлж байгаа 512 иргэн байна. Үүнээс маш хүнд 2, хүнд-28, хүндэвтэр -132, хөнгөн-257 өвчтөн байгаа бөгөөд жирэмсэн эх -21, хүүхэд-180, өндөр настан -127 хүн эмчлүүлж байгаа аж.
Өнөөдөр аймгийн Шуурхай штабын хурал боллоо. Хурлаар аймаг орон нутгийн хэвлэл мэдээллийн байгууллагуудтай хамтарч гурав дахь тунгийн талаарх мэдээллийг иргэдэд хүргэх зорилгоор шторк, мэдээ мэдээллийг тогтмол явуулж, соён гэгээрүүлэх ажлыг идэвхжүүлэхээр тогтов.
Энэ сарын нэгнээс урлаг соёл, спортын арга хэмжээг заалны 50 хувийн дүүргэлттэйгээр нээсэнтэй холбогдуулан үйл ажиллагаа явуулж байгаа хувь хүн болон байгууллагуудтай хийсэн хариуцлагын гэрээнд Мэргэжлийн хяналтын газар хяналт тавин ажиллахаар болов. Мөн өрхийн шинжилгээ авах цэгүүдэд ажиллаж байгаа эмч, эмнэлгийн ажилчдыг тогтмол ажиллуулах, хэвтэн эмчлүүлэгчдийн хоол хүнсний асуудал болон хэрэглэх зүйлс дээр анхаарал хандуулах, улаан бүсээс эдгэрэн гарч байгаа хүмүүсийг ариутгаж гаргах, цээжний зураг авахуулах төхөөрөмжийг засуулж хэвийн ажиллуулах, ковидын эмийн багцын хэрэглээн дээр хяналт тавих асуудлуудыг эрүүл мэндийн газарт даалгалаа.
