Улаанбаатар
Олимпын тамирчид өмнөд хөршид бэлтгэлээ базааж эхэллээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. “Бээжин-2022” Өвлийн XXIV олимпыг зорьсон Монголын тамирчид тосгондоо төвхнөж, өнөөдрөөс бэлтгэлдээ орлоо.
Бэлтгэлийн талбай нь
тэмцээн явагдах газрын хажуухан талд байрлаж байна. ОУХМ Б.Ачбадрах, А.Энхтуул
нар дасгалжуулагч Б.Энх-Амгалангийн удирдлага дор бэлтгэлээ базааж буй бөгөөд энэ
сарын 8-наас тэмцээндээ хурдаа сорьж эхэлнэ.
Монголын багийн гишүүдийг Бээжинд
газардсан даруйд ПСР шинжилгээнд хамруулсан бөгөөд хариу бүгд сөрөг гарснаар
олимпын тосгондоо нэвтэрсэн юм. Гэхдээ урьдчилан сэргийлэх үүднээс олимпын
наадмын бүх оролцогчоос өдөр бүр шинжилгээ авч байна.
Наадмын эргэн тойрны мэдээллээс хүргэвэл, ням гарагт олимпын наадмын оролцогч 37 хүний шинжилгээний хариу эерэг гарлаа. Капитал нисэх буудалд газардсан 1252 хүнд шилжилгээ хийхэд 28-аас нь Ковид илэрсэн байна. Ковидын халдварын улмаас хэд хэдэн улс эцсийн мөчид багийн бүрэлдэхүүндээ өөрчлөлт оруулжээ.
Холбоотой мэдээ
