Улаанбаатар
Японд алтны үнэ түүхэн дээд хэмжээнд хүрчээ
ДЭЛХИЙН МЭДЭЭ | ЭДИЙН ЗАСАГ
ТОКИО. /NHK/. Украиныг тойрсон хямралтай холбоотойгоор Японд алтны үнэ түүхэн дээд хэмжээнд хүрлээ гэж NHK телевиз мэдээлжээ.
Энэхүү металлын гол арилжаа явагддаг Осакагийн түүхий эдийн биржийн цахим хуудсанд мэдээлснээр, даваа гарагт нэг грамм алтны үнэ 7040 иен буюу 61 гаруй ам.долларт хүрсэн байна. Энэ нь уг бирж байгуулагдсанаас хойших хамгийн өндөр үнэ юм.
Японд алтны үнэ 2020 оны наймдугаар сард дээд үзүүлэлтдээ хүрч байсан бөгөөд тухайн үед нэг грамм алт 7032 иенээр арилжаалагдаж байжээ.
Украины эргэн тойронд үүссэн түгшүүртэй байдал нь хувьцаа болон бусад үнэт цаасны үнэ буурахад нөлөөлж, валютын зах зээл дээр тогтворгүй байдал үүсгэж байна гэж NHK телевиз мэдээлсэн байна. Үүнтэй холбоотойгоор олон хөрөнгө оруулагчид алт, түүнчлэн газрын тос, үр тариатай холбоотой фьючерс хэлцэлд хөрөнгө оруулахыг илүүд үзэж байна гэж тус суваг онцлон тэмдэглэжээ.
