Суралцагчдын сурлагын амжилтыг дэмжих сургалт хийв
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Говь-Алтай аймгийн Боловсрол, шинжлэх ухааны газар Боловсролын үнэлгээний төвтэй хамтран аймгийн суралцагчдын сурлагын амжилтыг дэмжих сургалтыг гуравдугаар сарын 25, 26-нд зохион байгуулав.
Сургалтад ЕБ-ын 28 сургуулийн 300 гаруй багш хамрагдаж, 12 дугаар ангийн 400 сурагчийг хамруулан таблетад суурилсан турших ЭЕШ, 9 дүгээр ангийн сурагчдаас түүврийн аргаар PISA турших шалгалтыг авлаа.
Түүнчлэн энэхүү ажлын хүрээнд:
-Үнэлгээний чиг хандлага
-2021 оны ОҮС, ЭЕШ-ын үр дүнд хийсэн шинжилгээ
-Шалгуурт суурилсан даалгаврын боловсруулалт
-Арга зүйн санаа боловсруулалт
-ЭЕШ-ын үр дүнгийн анализ
-Таблетад суурилсан PISA турших шалгалт гэсэн сэдвүүдээр сургалт, шалгалт сорилыг зохион байгуулсан байна. Говь-Алтай аймгаас боловсролыг тэргүүлэх чиглэл болгон хөгжүүлэхэд анхаарч хэд хэдэн томоохон зорилтуудыг дэвшүүлээд байгаа юм. Тухайлбал,
-Аймгийн төсвийн 30 орчим хувийг тус салбарт зарцуулах бөгөөд энэхүү ажлын хүрээнд:
-Бүх багш нар /830 багш/-ыг нөүтбүүкээр хангах - 1,6 тэрбум төгрөг
-Ахлах ангийн сурагчдыг таблетаар хангах - 630 сая
-Бүх сургуулийг цахим системээр холбох - 280 сая төгрөг зэрэг томоохон хөрөнгө оруулалтуудыг хийхээр зорин ажиллаж байна.